Maraming mga artista ang sumabak rin sa mundo ng politics at hindi na rin bago na ang mga anak ay kadalasan sumusunod sa yapak ng kanilang mga magulan
Maraming mga artista ang sumabak rin sa mundo ng politics at hindi na rin bago na ang mga anak ay kadalasan sumusunod sa yapak ng kanilang mga magulang. Kaya naman ay hindi na rin kataka-taka nang mapagusapan nila Batangas Representative Vilma Santos-Recto at anak na si Luis Manzano ang topic ng pagpasok sa pulitika.
Sa isang video post ni Luis, ibinahagi nito ang paguusap nila ng Ina kasama ang asawa nitong si Jessy Mendiola. Tila nagsimula na sa gitna ng conversation ang video subalit malinaw na malinaw pa rin na sinabi ni Luis ang kanyang mga plano kung sakali man na tatakbo ito.
Inamin ni Luis na nais umano nitong magpokus sa healthcare ng bansa. Approve naman dito ang Ina at panay pa ang tango sa sinabi ng anak. Talaga namang importante ang healthcare at nararamdaman ang importansya nito ngayong panahon ng pandemya. Subalit nang isa-isahin na ni Luis ang kanyang plano, nagbago ang seryosong mukha ng Ina. Natatawang hinampas nito ang anak, at sabay humingi ng paumanhin subalit tuloy pa rin sa pagtawa. Mapapansin rin sa background na natatawa rin si Jessy sa mga sinabi ni Luis.
Binanggit ni Luis ang agenda nito sa pagpapabuti ng healthcare sa bansa. Ayon rito ay, “masakit pa lang ulo mo, naka wheelchair ka na. Aalagaan ko ang kalusugan nila. Masakit ngipin mo? Cremate na!”
View this post on Instagram
Marami namang netizens ang natawa at nagbahagi ng ilan pa nilang opinion na maaaring ipatupad ni Luis. Ang ilan ay pabirong nagdadalawang isip na iboto ang actor. Ilan sa mga komento ay:
“Papasok ka pa lang ng hospital, may death certificate ka na.”
“Wala ng sasakit ang ngipin niyan.”
“Pinakawitty na plataporma na narinig ko so far.”
“Umubo pa lang libing na.”
“Magpapacheck-up kapa lang, admitted ka na.”
“Mabubuhay ng matagal ang mga bungal.”
“Nasa ER ka pa lang, may lapida ka na.”
Samantala, nilagyan naman ni Luis ng caption na, “Kung sakali man na ako’y tumakbo, eto nasa agenda ko.” Umabot naman ng 785k views as of writing ang video ni luis sa Instagram. Madalas talagang magpatawa si Luis na siya namang ikinatuwa ng mga netizens.
COMMENTS